ANGUNIAGAQ : NAPPARSIMASUT OQAASEQARTARTUAT

Ullutsinni napparsimasunik katsorsartittunillu sullissinerup naamaginarnerusumik ingerlanneqalernissaa pimoorunneqartumik sulissutigineqartariaqarpoq.

Nunanut avannarlernut sanilliutissagutta Nunatsinni kræftimik toqquteqartartut agguaqatigiisitsinermi marloriaatit sinnerlugit amerlanerupput. Kinaluunniit illersorneqarnissani pisinnaatitaaffigaa. Tamanna napparsimasunit aamma malugineqartariaqarpoq. Sullissineq iluaqusiinerusoq nipeqartariaqarpoq.  

Naalagaaffiit Peqatigiit inuit pisinnaatitaaffii pill. isumaqatigiissutaat 1948-meersoq Nunatsinni atuutsinneqarpoq. Artikkili 25-mi allassimavoq kinaluunniit napparsimasoq toqqissilluni ikiorserneqarnissamik katsorsarneqarnissamillu pisinnaatitaaffeqarpoq.                 

              ___________________________________________________  

Napparsimasut sullinneqarnermikkut assigiinngitsunik ajornartorsiuteqartarput amerlavallaallu piffissaagallartillugu ikiorserneqartanngimmata, ilaanni naappaatip suussusersineqarnissaanik utaqqinerup sivisuallaartarnera peqqutaalluni, toqumik kinguneqarsinnaasarput.

Inuup pisinnaatitaaffigaa piffissaagallartillugu ikiorserneqarsinnaanissaq, tamannalu illersorlugu ingerlatsisoqartariaqarpoq. Taamaammat napparsimasunut oqaaseqartartumik atorfeqartitsinissaq pisariaqarpoq.

Napparsimalereersimagaanni nukiit annertuut timimut atorneqartarput taamaattumillu aaqqitassanut allanulluunniit suliniuteqarniarnissaq nukissaqarfigineqassanani. Maanna alloriaqqittoqartariaqarpoq: napparsimasut illersuisoqarnissartik pisariaqartippaat.

Napparsimasut pisinnaatitaaffiinnik ersarissaasoqartuartariaqarpoq, aaqqitassat pitsanngorsagassallu suliniutigineqartariaqarput. Minnerunngitsumillu sullissineq Peqqinnissaqarfimmut napparsimasumut ilaqutaanut qanigisaanullu iluaqusiinerusoq anguniarneqartariaqarpoq.

                             ANGUNIAGAQ ATSIORNIKKUT TAPERSERUK!

Suka, Karen, Sara, Vive, Judithe, Sofia, Theodora, Karla    Kontakt forfatteren af dette andragende