Maniitsumiit avissaarusuppugut.
Sisimiut Maniitsorlu avissaarnissaat kissaatigalutigu ataani qulequttat ilaatigut innersuussutigalutigit atsiornernik katersisitsilluta aallartippugut.
1. Kommunit kattunneqarnerisali kingorna Maniitsumiit nipi tujorminartoq Sisimiunut atorneqartuartoq qatsupparput.
2. Ajornartorsiutinut tamanut Sisimiut pisuutinneqartuarnerat qatsupparput.
3.Sisimiunut aningaasaliisoqartorlu Maniitsumiit apeqqusersorneqartuarnerat qatsupparput.
4. Maniitsumut aningaasaliissutigineqartut naammaginagit suli amerlanerusunik perusulltik naammagittaalliortuarnerat qatsupparput.
5. Sisimiuni akileraartartuusugut akileraarutigut soorunami aamma Sisimiuni ineriartortitsinermut apeqqusersorneqaratik atorneqarsinnaasariaqarput.
6. Sisimiuni innuttaasut nammineerusuppugut.
Qulaani pineqartut saniatiagut isumaqarpugut kommuneqatigiit akornganni akeqqersimaarneq arlaannatsinnulluunniit iluaqutaananilu peqqinnaanngitsoq.
Tamannalu qaangerneqassappat isumaqarpugut Sisimiut Maniitsorlu immikkut Kommune-ngoqqittariaqartut.
Isumaqarpugullu tamanna innuttaasut akorngannitorernerusumik oqalliseriaaseqalernerannik kinguneqarumaartoq.
Ullumikkutummi inissisimaannartitsilluta Kommuneqatigiit akornganni imminut pisuuteqattaattuarneq qaquguluunniit qaangerneqarnaviarunanngilaq.
Taamaattumik ataani atsiortugut kissatigaarput Maniitsumut atanata Sisimiuni nammineerluta ingerlalernissarput.
Marianne Lyberth Olsen - Peter Olsen - Nuka Johansen Kontakt forfatteren af dette andragende