Tryggleiki og gott sálarligt arbeiðsumhvørvi til øll hjálparfólk.

Galdandi sáttmálin hjá hjálparfólkum gongur út 31. mars í ár.

Núverandi støðan hjá hjálparfólkum í dag, er, at ein stórur partur av teimum ikki hava møguleika fyri at føla tann tryggleikan, sum ein álitisfólkaskipan kann skapa á einum arbeiðisplássi.
Hetta er tulkingin hjá teimum, ið hava orðað og undirskrivað núverandi sáttmálan.

Nú, tá ein nýggjur sáttmáli skal orðast og koma í gildi, krevja vit, at øll hjálparfólk fáa møguleikan at føla tryggleika á sínum arbeiðsplássi við einari álitisfólkaskipan ella einum starvsfólkavaldum umboði.

Vit krevja, at øll hjálparfólk, óansæð hvat fyri fakfelag tey velja, ella um tey velja,trygt at ikki verða limir í nøkrum fakfelagi, hava rætt til eina álitisfólkaskipan ella eitt starvsfólkavalt umboð.

Umleið 60% av ársverkunum á dagstovnaøkinum eru hjálparfólk.
Tryggari umstøður til hjálparfólk geva tryggari umstøður til børnini.

Eitt trygt sálarligt arbeiðsumhvørvi til tey starvsfólk, sum eru rundan um okkara børn, er gott grundleggjandi námsfrøði.

Heilsan

Foreldur, hjálparfólk og aðrir vælmeinandi borgarar

Hans á Lag    Kontakt forfatteren af dette andragende