Tey Grønu
Hjálpið okkum at gerast uppstillingsklár og fáa uppstillingsloyvi!
Ein nýggjur vinstrasinnaður politiskur flokkur sær dagsins ljós í føroysku politisku skipanini!
Seinastu árini hevur føroyskur politikkur flutt seg alt ov langt til høgru. Hetta er ein gongd, vit hava sæð kring allan heim, eisini í londunum kring okkum. Men tað ger tað eisini enn meira neyðugt við einum politiskum flokki, sum er longur til vinstru fyri miðjuna í føroyskum politikki.
Kjarnan í politikkinum hjá flokkinum er sosialt rættvísi, rationalisering av vælferðarskipanini og ein burðardygg framtíð – bæði fíggjarliga og umhvørvisliga.
Nú fer arbeiðið av álvara í gongd við at savna nóg nógvar undirskriftir, so flokkurin kann gerast uppstillingarklárur til næsta løgtingsval.
Vel eina grønari framtíð – vel “Tey Grønu”.