QINERSISA!
Inunnut atugassarititat ajorsigaluttuinnarput. Nerisassat akitsoraluttuinnarput ikiorsiissutillu ikiligaluttuinnarlutik. Angajoqqaat meerartallit nerisassaqarumallutik inoqatiminnut ikioqqusariaqartarput. Utoqqalinersiallit neriniartarfinni sinnikusiortut, isertitakingaaramik. Aalisartut nungusarniarniarneqalerput, qallunaat millionerpassuarnik isaatitsiniassammata. Kalaallit arlalippassuit aalisarnermik inuuniuteqarusukkaluit inatsimmik killilersorneqarput, massakkullu nungusarneqalerput. Kalaallit kilisaatini sulisoriumaneqanngitsut. Kalaallit nunamini inuussutissarsiornissaanik killilersorneqarnani aqqutissiuunneqarniarli.
Førtidspension danmarkimi nunatsinniik marloriaammik annertuneruvoq. Aali førtidspension danmarkimi annikinnerpaaffissaannaa pineqartoq.
Qineqqusaarnermi Naalakkersuisut siulittaasuat qineqqusaarpoq inuit kaasarfimmiui amerlineqassasut. Massakkullu killormorluinnaq ingerlasoqarpoq Kalaallit perlersiarineqalerput, inigisamulluunniit akiliisinnaajunnaartussanngorlutik.
Qaanaami aalisartut piniartut silaannaap allanngoriartorneranik kinguneqartumik piniariarsinnaajunnaarput sikunaveermat. Naalakkersuisoq oqaaqqisaariinnarpoq inuit ileqqqaartaqqullugit. Piluusaarlutik ikiuussutissanik aaqqiissutissaq suliariniarsaraat.
QINERSISA!
Inatsisartunut massakkut QINERSISA. Qineqqusaarutit killormoortuannik ingerlaannartoqarsinnaanngilaq.