KAF-mi sullissineq piaartumik iluarsineqarli.
🔴🔴🔴 KAF-ip sullissinerlunnera naammaleqaaq! Sullissinerminni maleruagassaqarput Inatsisartut inatsisaat nr. 42, 12 decemder 2019-meersoq🔴🔴🔴
KAF-mi sullissineq qulaajarneqartariaqalerpoq ilinniartuusugut aammali ilinniagaqareersimallutik KAF-ip naqqani ineqartuujunnaarsimasut akiligassanik taamannanik “piviusuunngitsunik” akiligassinneqaqattaarneri unitsittariaqarput!!
AAMMALU
Kollegiemut isertsernermi inimik piareersimasumik (eqqiarluarsimasumik il.il.) isertserfigeriaannaannittarneri piviusunngortariaqalerput!
Siullertut inatsit § 45, imm. 3-mi allassimavoq “Kingusinnerpaamik ilinniartut ineqarfianniit nuuttoqarneraniit sap. ak. ataaseq qaangiuppat misissuisimanermut nalunaarusiaq ilinniartut ineqarfiannik qimatsisimasumut ilinniartumut nassiunneqassaaq. Ilinniartut ineqarfianni najugaqarsimasup misissuisimanermit nalunaarusiap imarisai isumaqatiginngikkunigit sap. ak. ataaseq qaangiutsinnagu ilinniartut ineqarfianni najugaqarsimasup oqaaseqaatigiumasani nassiussimassavai, taakkualu Naalakkersuisut nalunaarusiami ilanngutissavaat.”
AAMMALU
Inatsit § 18, Imm. 2-mi allassimavoq “Ilinniartumut inissiaq attartorfiup aallartinneqarani isumannaatsuussaaq pissusissamisoortumillu pitsaassuseqassalluni.”
Inatsisit taakku marluinnaat assersuutigigaanni ersarilluinnartumik takuneqarsinnaavoq KAF-ip sullissinera qanoq kipungatigisumik ingerlassinersoq, qanorli allaffissornera qulaajarneqarpat.
Kiammi imak akineqarnissani kissaatigissavaa?? “Naggataatigut ajuusaarpugut suliakkiutiginnginnerani akuersiteqqaarneqannginnavit”
Lejerkontraktimut atsiortarpugut inuttut kinaassuserput Cpr. Nr-mugut tunniullugit ilinniarnitsinni ineqarfissatsinni pitsaasumik pineqarusunnitsitulli sullinneqarumalluta aamma allaffisornertigut. Atsiornermi ajorpugut kissaatigalugu kolligie qimakkutsigu akiligassanik inatsisinik naapertuutinngittunik milloorneqarumalluta.
Una qisuariarneq aallarniutaannaavoq tunngavissaqarluarumalluta atsiornerit naammatseriarpata qullersaqarfinnut ingerlatitsinerit aallartissapput. Uattulli inatsisinik naapertuutinngittunik pineqarsimaguit allaffigineqarsimaguilluunniit e-mailinnut inassiussisinnaavutit taakkulu allanut siammarterneqarunnanngillat ingerlatitseqqiinermili tamarmik tunngavissatut ilanngullugit ilaatinneqarumaarput.
Uanilu qisuariarnermi suleqataajumasut tamarmik tikilluaqqusaapput.
KAF-mi sullissineq piaartumik iluarsineqartariaqarpoq.
- Erseqqissaatingissuara 18-nileereersimasuinnaat atsiorsinnaatsitaammata -
Nukannguaq Søholm Kontakt forfatteren af dette andragende