Ukiuni kingullerni kapisilinnik Nunatsinni innuttaasut iluaquteqarniarnerat innarlerneqaraluttuinnartoq akuersaarnagu atsiorneq
Ukiut kingulliit Nunatsinni kapisilinnik aalisarluni inuussutissarsiornerup aalisartunut innuttaasunullu annikillisaaffigineqarnera nunami innuttaasutut pisinnaatitaaffinnik innarliineruvoq akuersaarneqarsinnaanngitsoq:
- Innuttaasutut pisinnaatitaaffiit tunngavigalugit atuisut oqartussaaqataanerat qulaatiinnarlugu, (tassami inuuniarnermi atuisutut eqqugaasut naammaginartumik tusarniarneqanngivimmata) kapisilinnik aalisarsinnaaneq siusinnerusumut ileqquusimasumiit qaammatit pingasuniit sivikillineqarujussuarpoq. Tamannalu pivoq naak ukiuni kingullerni silap pinngortitallu pissusaata allanngornersua ersarikkaluaqisoq aammalu aalisartut inuussutissarsiornerannik aningaasarsiorsinnaanerannillu annertuumik nammineerluni killileereeqisoq silatta imarlukkajunnersua anorlerajunnersualu pissutigalugu. Silap pissusaata taamaattup aalisartup aalisarluni inuussutissarsiornera ullunik aalisarfiusinnaasunik ilanngaavigereerujussuarnikooreermagu
. - Aalisartut innuttaasullu aalisarfigisartagaannut kapisillit suliluunniit apissinngitsut kapisilinniarneq matuneqartalerpoq.
- Aammalumi Nunatta avannarpasinnerusortaani ukiaanerusumi kapisillit takkuttarfigisaanni suli aalisarfiulinngitsoq, aalisartut aningaasarsiorniarnerat ammaalu innuttaasut imminnut pilersorsinnaanerat mattunneqarpoq. Qassutinik tissukartitsilluni aalisarsinnaaneq inerteqqutaalersinneqarpoq naak ukiorparpassuarni manna-mut atugaareersimagaluartoq. Aamma atuisut naammaginartumik tusarniaaviginngilluinnarlugit.
Sineriassuatsinni aalisartut innuttaasullu suleqatigiit Kontakt forfatteren af dette andragende