Illorsuarnut uterusuttunik tapersersuineq

IMG_4413.PNGIMG_4456.PNG

 

Matumuuna Illorsuarmiut Illorsuarnut angerlarusuttut tapersersorlugit atsiorfissamik pilersitsivunga, aamma nalunngisasi internetseqanngitsut pappilissamut atiorsinnaasut paasissutissiivigisinnaavasi. 

Illorsuarmiut angerlarusunnerannut pissutaavoq taamani 17 juni tassaarmat Illorsuit sunguamilluunniit ajoqusertoqarnikuunngimmat, allaat massakkut innuttaasut taakunga uteriaannaangaluarlutik ulluinnaallu naliginnaasumik aallartillugit. 

Assit marluk ilannguppakka, tassani Asiaq-p University of Southem Californiallu tassaaqqissangaluarpat sumut killinnissaa nalunaarusiorneqarsimammat. Takusinnaasatsitullu illut eqqungaasussat inoqanngittuinnangajaallutik marluk qaagilaarniaraat taamaallaat ersilluni, sinneri angoqqalaaginnarlugit. Uagummi nunaqarfigingatsigu nalunngilarput illut sorliit inoqannginnersut. Suliffeqarfiilluunniit angutikkunnanngillat. 

Taamaammat sunnguamilluunniit tusarniaavigineqaqqaarata matuinnarneqarniarnera akuersaarsinnaannginnatsigu tapersersuisut kikkulluunniit atsiorsinnaasut tikilluaqquagut. 

Inuit amerlanerit nunaqarfik illoqarfillunniit allisarfipput perorfipput uummateqarfigalugulu toqqissisimaffigisarparput, allamukartaraluarluta uteqqiaffigiuartarlugu.
Uagut Illorsuarni najugaqartugut nunaqarfipput eqqissisimasoq toqqissisimaffipput, uagut nammineq najorlugu ilisimaarisarput. Siuaasatta ukiorpassuarni najugaat asavarput. Illorsuarni najugaqartugut amerlanerit qimakkusinngilarput.
Uagut nunaqarfipput qimannissaa kissaatiginngilarput.
Tusarniaavigineqaqqaarata uterfigeqqunagu matuniarsarineqarpoq, tamannalu akuersaarsinnaanngilluinnarparput.
Nunaqarfik siuarsaleruttorpoq.

• Aalisakkerivik nutarsarluni piariilerpoq.
• Nakorsiartarfik nutaaq piariilerpoq.
• Taakani nutaanik illuliorusuttoqarpoq. Aamma amerlanerit illuta taakaniittut namminneq pigivaat.
Massakkut piffissap nalaani Illorsuit saava qaleraleqarnerpaaffiani aalisartortagut aalisarluartussaagaluit unittooqqarrapput.
Imak kusanaatsigisumik pineqarpugut allaat sumut nuussanersugut piaartumik aaliangeqqusaalluta, amerlanerillu kissaatigisaraluaminni inissaqartinneqaratik.
Naalakkersuisut illuliortitsisinnaallutik neqeroorfigeriarluta nunaqarfinni nappaaqqusinatik.

Taamani 17 juni tassaarmat immap killiffia qutsinaarlugu titarneqarsimavoq tikeqqajanngisaa tikissimangaa unnerlutik, uagut pisumi najuuttugut sumut killinnersoq nalunngilarput. Ulorianartorsiortutut misiginngitsugut ulorianartorujussuartut nalilerlugu uteqqusinngillat.

Nuugaatsiami pisoq sakkortuneroqaaq, paasinarporlu tassani najugaqartut uterusunngerrassappata, matuneqarpallu paasinarnerulluni, qaqqamut nakkariaannaaneragaannut qaninneeraagami.
Illorsuarnili tassaarnera matusissutissatut tunngavissaasorinngilarput.
Illorsuarni tassaarmat soorunami tupannaqqaalaarpoq, igammik qaqqamut qimaaqqisisaalillarmata.
Kisiannili tassaarmat inunnik, illunik, pigisanik arlaannilluunniit ajoqusertoqanngilaq.
Tassaarami sallaatsumik tassaarusaaqqaarpoq ataasiakullallu annertunermik manissuinnarmik tassaarluni.
Isumaqarpunga innuttaasut qulaaniik aaliagiiffigineqaratik piumasut utersinnaanerat ammaanneqartariaqaraluartoq!!

Massakkummi Illorsuarni innuttaasut angerlarserrapput, misigissutsimikkut oqimaattorsiorrattut facebookikkut statusii atuartarpakka.

Apeqquterpassuit sarsuapput sooq qaqqaq taanna qangali taamaattoq nakkalerneraraat? Sooq eqqaaniittoq qaqqaq nakkarmat taanna nakkariaannaanerangaat nakkarsimanngila, taama nakkartup naqitsinera sakkortusimatigisoq?

Nipaappallaaqaagut!!

QAA PIUMASUT TAPERSERSUINIARITSI!!!

 

 

 

 

Underskriv denne indsamling

Ved at underskrive giver jeg Katrina Zeeb tilladelse til at videregive min underskrift til dem, der har myndighed på dette område.


ELLER

Du vil modtage en e-mail med et link til at bekræfte din underskrift. For at sikre, at du kan modtage vores e-mails, tilføj venligst info@skrivunder.net til din adressebogs liste over sikre afsendere.




Betalt Annoncering

Vi vil reklamere for denne petition til 3000 mennesker.

Lær mere...

Facebook