AVANNAANI HELIKOPTEREQARTARNEQ AAQQINNEQARLI!

31B2B318-16B5-49C8-BBA5-4F5A14EB33A0.jpegAVANNAANI HELIKOPTERIMIK NOVEMBER-DECEMBER-JANUAR KAPERLANNERANI ANGALLANNEQ AJORNARTORSIUTAAVOQ.

Assersuutigalugu Upernavimmiit Nuussuarmut decemberimi pingasoriaannaq helikoptereqarpoq, tassani juullinngitsorli juullisioriat nakorsiat Nuussuarmut tikittussat aatsaat januarip 9-ani tikillutik, ilai ullut 18-nit kinguaattoorsimallutik nalliuttullu tamarmik nungoreersut ilaalu suli apuunnartik. Poortukkat juullimut tunissutissat novemberip aallartilaarneranili Upernavimmut pisut SULI Nuussuarmut apuutinngillat. Taamatullu assiganik Kullorsuarmut pisoqarluni.

Taakkuninngalu suli ajornerusumik kinguaattoortunik tusakkajuppugut qaammat sinnersinnaasarmassuk.

Massakkut ukiutoqarsioriat ukiortaarsioriallu 29-30dec aallartussat ullumikkut ullut 14-nissaannik kinguaattoorpugut Kullorsuarmut Nuussuarmut Upernavimmullu.

Aamma paasitinneqarpunga avanersuarmi Qaanaap nunaqarfiinut angallanneq taama kipiluttunartigisoq.

Tamatta nalunngilarput silagiffeqartarpoq silarluttuaannanngilaq tupinnarpallaassaarmi, tamatiguunerusorlu taarpallaarnera pissutigalugu ullup qeqqata kingorna aallartoqarsinnaasanngilaq, taamaasilluni helikopter atortakkagut Airgreenlandimiluunniit aaqqissuussaaneq tulluanngitsorujussuarmik aaqqiiffigineqarsimavoq. Tamanna ukiorpassuarni pisareerpoq, ukiullu tamarluinnaasa taamatut pisoqartarluni. Nunaqarfimmut (upernavimmi) angalaneq 1000 sinnilaarlugu inummut ataatsimut akeqarpoq naatsorsuingaannilu minnerpaamik ullut 14 kaperlannerani kinguaattooqqaarluni apuunnissaq ilimanaateqarnerulluni, taakkununnga ilaasarpoq angerlarlutik nunaqarfimmut/illoqarfimmukartut, nakorsiat ilinniartullu angalasut. Saniatigut Pilersuisumi pisiarisinnaanngisat internetsikkut pisiat allakkallu angallanneqartartut. Tassani eqqaaneqarsinnaapput inuup angalasup ilinniartup aalisartup napparsimasulluunniit aningaasatigut annaasai tikissinnaannginnermini, taakkulu nammineq nalilersugassaapput.

Nammineq angalasuulluni naammangittartussaannartut inissisimanarpoq ingasappallaalerporli ukiorpassuit taamatut ingerlaneq avinngarusimallunilu angalasinnaannginneq, naammangittaalliortunullu akissutisisarneq "qavanngaanniik taamatut pimagfigineqarpugut" imaluunniit "allatut ajornaqaaq", aaqinneqarnissaalu piumasaralugu atsiornernik katersivunga, atsiornerillu tamaasa tusagassiutinut Airgreenlandimullu nassiunneqassapput oqaatigiumasasilu aamma ilanngullugit nassiussinnaavasi apuunneqarumaarput. Anguniangaavoq tusaaneqarnissaq takussutissaqarnissarlu inuit amerlasuujulluta taanna ajornartorsiut atoripput!

ANGALLANNEQ ILUARSINEQARLI!

 

Underskriv denne indsamling

Ved at underskrive giver jeg Sikkerninnguaq Olsen tilladelse til at videregive min underskrift til dem, der har myndighed på dette område.


ELLER

Du vil modtage en e-mail med et link til at bekræfte din underskrift. For at sikre, at du kan modtage vores e-mails, tilføj venligst info@skrivunder.net til din adressebogs liste over sikre afsendere.

Bemærk venligst at du ikke kan bekræfte din underskrift ved at svare på denne meddelelse.




Betalt Annoncering

Vi vil reklamere for denne petition til 3000 mennesker.

Lær mere...